Nnasio. Nnasio ni banyok jenih. Ado lagu tu ado lagu ni. Hok pranga hudoh. Hok pranga molek. Hok hudoh pe'el belana kokna heh. Hok breghi 'mmongoh. Hok breghi mmecok. Hok tok leh 'tek lasong. Hok tokleh sseleh sikik la hok paling ambo tok breghi. Nanggung sseleh sikik, nyettok slalu. Apo jenih nnasio la. Amek tohok 'llauk la kalu jenih lagu ni. Narak la kito sokmo nok jago peghasae dio. Pahtu alik kito lagu mano? Arrr.. Parok jengg lagu ni Kak We dio..
Banyok doh jenih nnasio hop ambo jupo. Hok makey daley. Hok ni paling tekkey. Llua napok bereh, juruh, tapi dae nyo sembur gak, pah daley hati ddaroh. Ado kae ore kato, ore hok napok senyak ni jange ingak dio baik. Ado pe'el jugok. Nnasio, biasolah, perangha hudoh sikik-sikik tu nyo ado hehh.
Hok tok kenae skali, hok jenih breghi mmogoh. Hei. Panah. Panah. Skalo kalu hok breghi mmongoh ni, biasonyo dio mari skali nga pekeh, mmongoh+sensitih. Tok leh sseleh ore kato. Hooo. Parok alik kito weh. Nanggung sokmo kito keno jago peghasae dio, kito keno sobar, kito keno belako gak. Heeii. Tok leh go weh. Hok jenih lagu ni, saloh sikik jah, cettung slalu. Oloh. Tok breghi la.
Bayae la, tok tahu ulu ilir, tibo-tibo cettung. Hoh? Guano kiro? Tok tahu saloh gapo. Hola, gura sikik-sikik. Kadae-kadae muluk kito ni 'terrrrr'laser sikik, biaso la tu. Tak kae nok kiro jugok. Jolo dok?
Hok breghi wak muko. Sejenih lagi hok ambo tok brapo kenae. Aish. Ngoti eh. Tok molek wei pragha gitu. Tobak ambo tok buak. Wak cettung. Masae. Ingak comey bekali.
Nnasio. Ado jugok hok bekeng. Oloh. Ambo gak tok leh bena nah. Bahayo ore lagu ni. Saloh sikik, bekok dahi. Haha. Tapi gak, ore Kelate ni, ore kato, bako bekeng-bekeng. Betul ke Bohong?
Hok tok kenae skali, hok jenih breghi mmogoh. Hei. Panah. Panah. Skalo kalu hok breghi mmongoh ni, biasonyo dio mari skali nga pekeh, mmongoh+sensitih. Tok leh sseleh ore kato. Hooo. Parok alik kito weh. Nanggung sokmo kito keno jago peghasae dio, kito keno sobar, kito keno belako gak. Heeii. Tok leh go weh. Hok jenih lagu ni, saloh sikik jah, cettung slalu. Oloh. Tok breghi la.
Bayae la, tok tahu ulu ilir, tibo-tibo cettung. Hoh? Guano kiro? Tok tahu saloh gapo. Hola, gura sikik-sikik. Kadae-kadae muluk kito ni 'terrrrr'laser sikik, biaso la tu. Tak kae nok kiro jugok. Jolo dok?
Hok breghi wak muko. Sejenih lagi hok ambo tok brapo kenae. Aish. Ngoti eh. Tok molek wei pragha gitu. Tobak ambo tok buak. Wak cettung. Masae. Ingak comey bekali.
Nnasio. Ado jugok hok bekeng. Oloh. Ambo gak tok leh bena nah. Bahayo ore lagu ni. Saloh sikik, bekok dahi. Haha. Tapi gak, ore Kelate ni, ore kato, bako bekeng-bekeng. Betul ke Bohong?
Hok jenih kkiro. Hok ni paling ngok. Kedekuk. Supo reto-reto dio buleh wak masuk kubo.
Mujo lah hausmates aku ni jenih tok kkiro blako. Pakak beli pakak makey. Gapo hok ado, ngap blako.. No problem ore puteh kato. Mujo sunggoh la. Peranga pong gilo-gilo blako. Buleh go. Mugo lamo doh kenaa kae. Tahu doh pranga gano.
Kito samo-samo la bekki pragha. Aku pom bukae molek sangak. Kadae-kadae kubey jugokk. Hihi.
nok oyak ni, ambo tuleh ni sajo-sajo jah. takdok keno ngeno nga sapo-sapo. kalu ado hok teghaso tu, maknonyo, dio ore hok sensitih. hahah.
0 comments:
Post a Comment